Saukirbe Kinderumzug Sonntag - Bernd Müller, Mit Bildern Geschichten erzählen

Südwestfoto GbR, Bernd Müller, Press-und Eventfotograf
Rottweil, älteste Stadt in Baden Württemberg

Südwestfoto - Bernd Müller

Direkt zum Seiteninhalt

Saukirbe Kinderumzug Sonntag

Events > Göllsdorf Saukirbe
Göllsdorfer Saukirbe-Marsch
Text: Egon Rieble, Musik: Otto Sauter

Wenn im Primtal d´Dracha kreiset,
d´Stora Reisefiaber hond,
wenn d´Buaba mit Kastana schmeißet
und Riabagoaschter schnitza dond.
Do duat mer Kirbekiachle bacha, Wägele macha,
Rädle schmiera, Häuser ziera – des ischt Trumpf!
Do woaßt mer glei, jetz isch soweit;
mit oam Woart gsait: Jetz isch Saukirbezeit.
Refrain:
Göllsdorf leit am Dissahoarn,
heut isch Kirbe und au moarn,
Karussell und Wägele, Kirbedanz und Mädele,
Kirbekiachle, rund und schö´,
Riabagoaschter in dr Höh´,
Metzelsuppa wurd uftischt,
wenn in Göllsdorf Kirbe ischt.
Wappamädle, Kirbereiter,
Baura, Küafer, Metzger, Wirt,
Nachtwächter, Beck und Betzeitläuter
und Bachhausweiber mit em Britt.
Dia Schaufelkuacha dond se mehla, därf it fehla,
muasch versuacha, Schaufelkuacha –
des isch Trumpf!
Do sieht mer glei, jetz isch soweit;
mit oam Woart gsait: Jetz isch Saukirbezeit.
Bilder, we in alta Daga:
Waldfescht, Liachtgang, Hozig, Tauf
und Fläder um da Garbawaga
und Sichelhenke, Holzverkauf,
au Handwerksburscha mit em Stecka, ra da Flecka,
Kirbewetter, d´Sau im Gätter – des ischt Trumpf!
Do hört mer glei, jetz isch soweit;
mit oam Woart gsait: Jetz isch Saukirbezeit.

Bernd Müller SÜDWESTFOTO GBR © 2020 -  Leo - Sandel - Sandel Str. 36 - 78628 Rottweil - 074114786 / +49 175 3065152       Impressum   Datenschutzerklärung
Zurück zum Seiteninhalt